InicioEconomíaComezan as obras do novo hotel de Samil, que se prevé que...

Comezan as obras do novo hotel de Samil, que se prevé que entre en funcionamento en 2022

Abel Caballero considera que é un proxecto "adecuado á zona".

PUBLICADO O

As obras do novo complexo hostaleiro que se situará ante a praia de Samil, o Hotel Attica 21 Vigo Business & Wellness, iniciáronse este martes e prevese que as instalacións entren en funcionamento no verán de 2022.

Durante o acto de colocación da primeira pedra, o conselleiro delegado da propietaria do hotel, Inveravante, Jaime de Lacalle, destacou “o carácter estratéxico” das instalacións, que asegurou que permitirán dotar á cidade de “un aloxamento á súa altura”.

Do mesmo xeito, o director da cadea hoteleira, José Cajide, afirmou que este proxecto resulta “ilusionante” e permitirá construír o oitavo hotel de Attica 21 en Galicia. Así, indicou que se prevé que este edificio, que se levantará no espazo que ocupaba o Hotel Samil, poida abrir as súas portas durante o verán de 2022.

Pola súa banda, o alcalde de Vigo, Abel Caballero sinalou que as obras xeran 150 empregos diarios e que, tras a súa finalización, o hotel levará o mantemento de 60 postos de traballo directos e 120 indirectos. Así, puxo en valor a realización dun proxecto “adecuado á zona”.

En concreto, o hotel, que naceu cunha vocación arquitectónica e busca a súa integración paisaxística, disporá dunha categoría de catro estrelas superior e orientarase cara ao sector turístico e de congresos.

SUPERFICIE

A superficie do Attica 21 Vigo superará os 17.000 metros cadrados construídos e ascenderá a 6.000 urbanizados. Así, o hotel disporá de 157 habitacións e unha área de 900 metros cadrados destinada a acoller eventos composta por un salón compartimentable, dúas salas de reunións e unha zona exterior.

Así mesmo, os seus clientes poderán gozar da súa oferta gastronómica nos dous restaurantes cos que contará e das vistas da praia e as Illas Cíes que se poderán contemplar desde a súa terraza.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...