InicioEconomíaNueva Pescanova reduce capital social en 78 millóns para equilibrar o valor...

Nueva Pescanova reduce capital social en 78 millóns para equilibrar o valor das participacións e o seu patrimonio

A Xunta Xeral de accionistas aproba unha redución de 147 a 69 millóns.

PUBLICADO O

- Advertisement -

A Xunta Xeral de accionistas do Grupo Nueva Pescanova aprobou este luns unha redución do capital social de 78 millóns de euros (pasa de 147 a 69 millóns) para “restablecer o equilibrio entre o valor nominal das participacións sociais e o patrimonio neto da sociedade”.

Así o comunicou a propia multinacional pesqueira, tras a celebración desa Xunta Xeral, que tivo lugar nas súas instalacións de Chapela-Redondela.

Nueva Pescanova sinalou que “o reequilibrio no balance pon á empresa nunha situación máis vantaxosa para conseguir financiamento no mercado e optar a subvencións públicas”.

Por outra banda, na reunión deste luns deuse luz verde ás contas do exercicio de 2019, no que o EBIDTA de xestión do grupo situouse en 50 millóns de euros (fronte aos 75 millóns do ejericio anterior) “debido a factores externos, principalmente á caída de prezos do gambón e do lagostino ‘vannamei’, aos aranceis de Arxentina, e ao descenso de vendas en Asia”.

Esa redución viuse reflectida no resultado neto do Grupo que, a pesar de ter facturado 1.057 millóns de euros (cun aumento do 8 por cento nas súas vendas), tivo perdas por 41 millóns de euros.

Así mesmo, a xunta de socios tamén aprobou o informe de xestión de 2019, a xestión do Consello de Administración e o nomeamento de KPMG como auditor de contas da sociedade para o exercicio 2020.

ÚLTIMAS

Absolto o acusado de violar a unha moza durmida pola falta de consistencia da versión da denunciante

A sección quinta da Audiencia Provincial de Pontevedra, con sede en Vigo, ditou sentenza na que...

Condenan a 2 anos de cárcere a unha americana que estafou máis de 158.000 dólares a unha firma viguesa de produtos do mar

A sección quinta da Audiencia Provincial de Pontevedra, con sede en Vigo, acolleu este...

A xuíza acorda o arquivo da causa contra o detido na rúa Mestre Montes por agredir supostamente á súa nai cun garfio

A xuíza de instrución 2 de Vigo acordou o sobresemento e arquivo das actuacións...

Detidos dous homes na rúa Cánovas del Castillo por supostos roubos con forza no interior de 15 coches estacionados

Axentes da Policía Nacional da Comisaría de Vigo detiveron a dous homes como presuntos autores de...