Os alcaldes de Arbo, Crecente, As Neves e a Alcaldesa de Salvaterra mantiveron este sábado un encontro para tratar sobre a reapertura da pesca tradicional da Lamprea no tramo do Rio Miño e no Rio Tea.
Como consecuencia da decisión adoptada polo Consello de Ministros Portugues, donde se autoriza a partires do día 4 de maio a reapertura da pesca tradicional nas pesqueiras na marxe esquerda internacional do Rio Miño, os alcalde e a alcaldesa dos catro municipios tamén lle piden ao Goberno español que fga o mesmo.
Na reunión os rexedores e a rexedora, decidiron remitir un escrito conxunto dirixido á Delegación do Goberno en Galicia solicitando a reapertura da temporada de pesca tradicional nas “Pesqueiras” do tramo internacional do Miño, tendo en conta que este tipo de actividade esta considerada como pesca tradicional con destino autoconsumo.
Os alcaldes e a Alcaldesa entenden que se se autoriza o desprazamento persoal para coidar de animais e a actividades relacionadas coa agricultura para autoconsumo, a pesca da lamprea debería estar dentro desta categoría.
Os alcaldes e a alcaldesa confían en que nestes días se aclare este asunto e dende o goberno de España se teña en conta esta pesca e os pescadores poidan acudir a pescar nas pesqueiras ou nas estacadas, sempre cumprindo coas recomendacións sanitarias.
Porque a Pedro Sánchez non lle gusta a lamprea ?