InicioEconomíaA teleoperadora Unísono cede tras a presión dos traballadores e anuncia que...

A teleoperadora Unísono cede tras a presión dos traballadores e anuncia que o farán desde casa

PUBLICADO O

A empresa de teleoperadores Unisono cedeu finalmente á presión dos traballadores e apostou polo teletraballo tras ameazar co despido aos que se ausentaran do seu posto de traballo tras as críticas dos operarios polo primeiro caso confirmado de coronavirus nun dos centros que esta empresa ten en Vigo.

Os 1.000 traballadores que ten Unisono nos tres centros desta cidade temen pola súa saúde e, por iso, o comité de empresa pediulle á empresa que peche por “risco grave e inminente” para a saúde dos traballadores.
A resposta de Unisono, segundo os traballadores, foi a ameaza de despido para quen abandone o posto de traballo. Unha situación que provocou moita tensión e mesmo catro desmaios. De feito, ao lugar foron trasladadas ambulancias.

Traballadores de UNISONO logo da negativa da empresa a pechar o centro ante un positivo de COVID19 © Miguel Núñez
Traballadores de UNISONO logo da negativa da empresa a pechar o centro ante un positivo de COVID19 © Miguel Núñez
UNISONO un traballador ensina os cascos que lles dan para traballar © Miguel Núñez
UNISONO un traballador ensina os cascos que lles dan para traballar © Miguel Núñez

UGT, CC.OO., CGT e CIG pediron o inmediato peche da empresa. Aseguran que coa lei de riscos laborais e o artigo 21 poden pechar os centros de traballo ante a neglixencia da empresa. Chamaron á inspección de traballo que, polo momento, non acudiu ao lugar. Si foron varias dotacións policiais que din non poder facer nada sen un mandato expreso de peche.

A EMPRESA CEDE

Finalmente, Unísono anunciou que estenderá de modo progresivo o teletraballo a todo o persoal co que conta no tres centros de chamadas dos que dispón en Vigo, un proceso que se espera que culmine entre este venres e este luns.

Fontes da empresa detallaron a Europa Press que, nestes momentos, sobre o 50 por cento dos traballadores xa desempeñan os seus labores a distancia, unha medida aplicada xunto a outras, como a desinfección dos centros, para previr a propagación do coronavirus.

CRÍTICAS

Pola súa banda, a edila de Marea de Vigo-Son en Común Oriana Méndez reprobou que Unísono comunicase aos seus empregados que un deles dera positivo en coronavirus e, con todo, “non aplicase ningunha medida” para garantir a seguridade dos mesmos. Así, lamentou que este mércores os traballadores acudisen aos seus postos “nunha falsa normalidade” que, ao seu xuízo, leva “pór en risco a súa saúde”.

Mentres, o portavoz do Bloque Nacionalista Galego (BNG) na cidade, Xabier P. Igrexas, lembrou que os centros de chamadas representan 2.000 postos de traballo en Vigo. Tamén criticou que “a autoridade laboral mire para outro lado” e a Xunta “non exerza as súas competencias” ante o feito de que os seus empregados traballen “sen condicións de seguridade e saúde”.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...