InicioEconomíaUrbanismo dá luz verde ao plan parcial da Xunta para Navia, pero...

Urbanismo dá luz verde ao plan parcial da Xunta para Navia, pero o alcalde condiciona a aprobación definitiva a que se faga o IES

A Xunta prevé acometer, entre outras obras, a construción de 1.600 vivendas de promoción pública.

PUBLICADO O

A Xerencia de Urbanismo do Concello de Vigo deu este martes luz verde á modificación do plan parcial de Navia, solicitada pola Xunta para acometer, entre outras obras, a construción de 1.600 vivendas de promoción pública, pero o alcalde, Abel Caballero, advertiu de que o goberno municipal non dará a aprobación definitiva se o goberno galego non garante por escrito que a primeira actuación que execute será o Instituto de Ensino Secundario.

O rexedor confirmou que a modificación do plan parcial debe pasar agora por Xunta de Goberno e logo ser sometido a votación no Pleno. Así mesmo, explicou que enviou ao presidente da Xunta un “protocolo” para asegurar a construción do IES.

Segundo o alcalde, o goberno municipal non quere “atrasar os prazos”, e por iso levou a modificación do plan parcial á Xerencia de Urbanismo, pero insistiu en que non haberá aprobación definitiva ata que a Xunta non garanta ese compromiso. “Non queremos que Navia sexa un deserto educativo de ensino secundario”, afirmou.

Abel Caballero esixiu que a Xunta constrúa ese centro educativo nun prazo de dous anos desde a aprobación do plan parcial, e ese compromiso é unha “condición inescusable”. “É un abuso da Xunta, que quere que os alumnos de Navia vaian a un instituto a 8 quilómetros, e non o imos a tolerar”, proclamou.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...