A coruñesa Estrella Galicia quere conquistar Vigo cunha edición especial das súas botellas adicada ás Cíes

Estrella de Galicia co as islas Cies © Miguel nuñez

A cervexeira coruñesa Estrella Galicia lanzou ao mercado unha edición especial de 20 millóns de botellas coas Illas Cíes como protagonistas, co obxectivo de “promocionar e pór en valor este paraíso natural de Galicia”. Unha estratexa de marketing que, ademais de promocionar Vigo, ten coma fin consolidar a súa posición no mercado do sur de Galicia fronte ao empurre doutras marcas coma Mahou ou a portuguesa  Super Bock.

Esta particular homenaxe da cervera galega foi presentado este xoves nun acto celebrado no Auditorio Mar de Vigo, coa presenza de responsables da corporación empresarial e do alcalde da cidade, Abel Caballero.

Abel Caballero coa botella de Estrella Galicia que patrocina as illas Cies © MiguelNuñez

As etiquetas desta edición especial (que poderán verse nas botellas de 20 e 33 cl. distribuídas por toda España) mostran un atardecer sobre o que se debuxa o perfil das Illas Cíes, cun texto que expresa o apoio para que o arquipélago sexa declarado Patrimonio da Humanidade pola Unesco, e anima a votar na web ciespatrimonio.vigo.org.

Esta botella ‘personalizada’ únese a unha serie de deseños que Estrella Galicia veu realizando con motivos alusivos a tradicionais, eventos e festas de gran arraigamento social e cultural na comunidade.