A Xunta pide non converter a crise de Barreras “nunha pelexa política” de responsabilidades

O número dous do Executivo autonómico sinalou que, segundo lle consta á Xunta, "mantense a carteira de pedidos" do estaleiro vigués, e continúan as conversacións entre os accionistas para dar viabilidade á empresa.

Industria Metalurxia asteleiros
Estaleiros Barreras / © Miguel Núñez.

A Xunta de Galicia apelou este mércores á “responsabilidade de todos” e instou a “remar na mesma dirección”, en lugar de converter a crise do estaleiro Hijos de J.Barreras “nunha pelexa política“.

Así o trasladou, en declaracións aos medios, o vicepresidente do goberno galego, Alfonso Rueda, antes de participar nun acto con empresarias en Vigo.

O número dous do Executivo autonómico sinalou que, segundo lle consta á Xunta, “mantense a carteira de pedidos” do estaleiro vigués, e continúan as conversacións entre os accionistas para dar viabilidade á empresa.

“Nesa solución de futuro, viable e cun acordo dos accionistas, vai estar a Xunta de Galicia sen dúbida”, reiterou, á vez que insistiu en que calquera solución debe garantir a viabilidade “presente e futura” de Barreras.

Por iso, indicou que o goberno autonómico segue “á espera” de que “frutifiquen” as negociacións entre accionistas, que son os primeiros que teñen que “porse de acordo”.

“Pido que todos sigamos remando nunha mesma dirección, e non convertamos isto nunha pelexa política sobre quen é máis ou menos responsable. Todos somos responsables de que un estaleiro, que é unha parte importante da actividade industrial de Vigo, siga tendo futuro nun momento complicado”, proclamou.

Segundo Alfonso Rueda, a crise deste estaleiro “tense que solucionar entre todos”, pero “os primeiros” en dar o paso han de ser “os responsables directos”, que son os accionistas de Barreras.

DEIXAR UN COMENTARIO

Please enter your comment!
Please enter your name here