A Escola de Dirección de Empresas da Universidade de Navarra, IESE Business School, celebrará este xoves, día 7 de novembro, a partir das 19,00 horas, unha xornada onde se debaterá a toma de decisións a bordo do Titanic como exemplo para poder analizar as capacidades directivas.
Este ‘Open Day’ ten por obxectivo presentar a nova edición do Programa de Desenvolvemento Directivo que impartirá dita escola en Galicia entre os meses de xaneiro a xullo de 2020 e dar a coñecer o método do caso, neste caso co exemplo do Titanic.
A conferencia será dirixida por Miguel Ángel Ariño, profesor de Análise de Decisións do IESE, experto en toma de decisións e goberno de organizacións.