A compañía Air Nostrum renovará a súa oferta de voos directos entre Vigo e Gran Canaria a partir do próximo 22 de decembro no marco dos servizos prestados na tempada do Nadal.
Segundo trasladou a compañía nun comunicado, os billetes puxéronse á venda este luns e o seu prezo mínimo situarase nos 160 euros para traxectos de ida e volta realizados por non residentes no arquipélago canario. Así mesmo, o custo mínimo de ambos os traxectos para os domiciliados nas Illas Canarias alcanzará os 54 euros.
En concreto, a compañía ofrecerá este servizo os xoves e os domingos co obxectivo de facilitar as estancias de fin de semana dos clientes.
