A Ponte de Rande marcou o pasado mes de agosto unha nova marca histórica de tráfico, con máis de 2,2 millóns de vehículos, o que supón unha media diaria total de 71.614. Esta cifra é un 1,2% superior ao mesmo mes do ano pasado e un 4,7% máis que en 2017, xusto antes de concluír as obras de ampliación de carrís.
Segundo informa Audasa a través dun comunicado, o anterior máximo mensual da Autoestrada do Atlántico tamén se rexistrou nun mes de agosto, concretamente no 2007, e no tramo desta ponte: un total de 71.588 automóbiles ao día. O ano con menor tráfico en agosto foi 2012, con 60.889 vehículos.
De acordo con datos da concesionaria da AP-9, durante 2018 e 2019, anos entre os que se executou a ampliación da Ponte de Rande, este incrementou o seu tráfico.De feito, en 2018 a intensidade media diaria anual neste tramo situouse na súa cifra máis alta en oito anos, con 57.965 automóbiles diarios.
e a ver cando os usuarios aprenden a incorporarse aos carrís sen poñer en perigo aos demáis!
o outro día pensei que estaba nunha jimcana de cars… un espabilado que saía de Cangas incorporóuse ao carríl central coma se estivera nunha carreira de fórmula 1… pero ao chegar a limitación de 80 kms/h
volveuse cruzar dende o carril central esquerdo frenando para se incorporar ao novo carril exterior dereito… todo eso en dirección Vigo o sábado ás 20 horas aprox.
Se non nos matamos foi de milagre !!!
A limitación de 80 Kms é UN PROBLEMA GRAVE de seguridade para todos os usuarios !