Peinador, o único dos aeroportos galegos que perde pasaxeiros

Perdeu máis dun 14% de viaxeiros.

Peinador
Peinador /Miguel Nuñez

O aeroporto de Vigo, Peinador, que pechou xullo con 100.611 pasaxeiros, un 14,2 % menos que no mesmo mes de 2018; cun descenso do 11 % nas operacións (1.158 voos) e cunha perda do 87,5 % nas mercadorías (43 toneladas). Foi nun mens na que os tres aeroportos galegos rexistraron no mes de xullo 532.754 pasaxeiros, en 5.144 operacións e nas que, agás no caso da terminal viguesa, aumentaron no resto.

Segundo os datos que deu a coñecer este luns AENA, o aeroporto de Lavacolla, en Santiago, rexistrou no mes de xullo algo máis de 302.000 pasaxeiros, dos que a maioría (217.552) viaxaron en voos nacionais.

As cifras de xullo no aeródromo da capital galega supoñen un aumento dun 13,7 % con respecto a xullo do ano 2018. Tamén aumentaron as operacións neste mes, alcanzando as 2.231, un 6,7 % máis que no mesmo mes do ano pasado; e as mercadorías experimentaron unha subida do 5,6 %, ata chegar ás 283 toneladas.

No caso do aeroporto coruñés de Alvedro, o número de pasaxeiros foi de 130.069, o maior tráfico da súa historia, e é un 11,1 % máis que en xullo de 2018. Os voos operados superaron os 1.750 (un 1,3 % máis) e as mercadorías rexistradas sumaron 12,5 toneladas (un 24,9 % menos).

TRÁFICOS ACUMULADOS DO ANO

No que respecta aos tráficos acumulados, o tres aeroportos galegos suman, no que vai de 2019, algo máis de 2 millóns de viaxeiros, e case 30.000 voos operados.

O número de pasaxeiros que pasaron por Lavacolla nos sete primeiros meses do ano supera os 1,6 millóns (un 5,6 % máis); tamén aumentaron os viaxeiros en Alvedro, acumulando un total de 777.213 pasaxeiros (un 10,7 % máis); mentres que Peinador suma 595.917 viaxeiros neste período (un 4,1 % menos).

1 COMENTARIO

  1. Ryanair levou os cartos que lle regalaba Abel e agora descobrimos que Vigo sen pasta non vai…
    O malo é que todo é igual, malvender patrimonio, subvencionar patinetes, luces cordobesas… e as subcontratas das beirarrúas todas portuguesas… Un fenómeno!

DEIXAR UN COMENTARIO

Please enter your comment!
Please enter your name here