Nueva Pescanova xa ten a Abanca como principal accionista

Buque da empresa Nueva Pescanova

Abanca consolidou a súa posición como principal accionista de Nueva Pescanova ao incrementar a súa participación ata o 39,29 por cento a través da adquisición dun paquete de títulos equivalentes ao 6,03 por cento.

Segundo recolleu a entidade financeira nun comunicado, o incremento da súa participación levouse a cabo mediante a suma das accións do Banco Santander, que posuía un 5,92 por cento, e a Caixa Geral de Depósitos, que contaba cun 0,11 por cento. Así mesmo, desde finais de xuño, Abanca dispón dun conselleiro dominical no grupo pesqueiro galego.

Precisamente, o presidente da entidade financeira, Juan Carlos Escotet, avanzou este luns nun acto en Vigo o interese de Abanca en permanecer como accionista de “referencia” en Nueva Pescanova. Así, afirmou que a participación na compañía expúñase “a longo prazo” debido a que se trata dunha empresa “estratéxica” en Galicia e no sector do mar.

Ademais, entre outros investimentos, Abanca financia a construción de catro novos buques de Nueva Pescanova, dos que o primeiro xa foi entregado. En concreto, operarán en Namibia e Mozambique e permitirán á empresa renovar parte da súa frota.

Deste xeito, mediante estas actuacións, a entidade financeira busca apoiar o desenvolvemento do grupo galego nos ámbitos extractivo e comercial e reforzar o sector do mar.

DEIXAR UN COMENTARIO

Please enter your comment!
Please enter your name here