Mos terá a primeira nave de ultraconxelados en Galicia

O Goberno galego acordou este xoves condecer unha axuda de máis de 5,3 millóns de euros á empresa Hermanos Fernández Ibáñez Consignatarios de Pesca.

Concello de Mos.

O Goberno galego acordou este xoves condecer unha axuda de máis de 5,3 millóns de euros á empresa Hermanos Fernández Ibáñez Consignatarios de Pesca, que porá en marcha en Mos a primeira planta de produtos do mar ultraconxelados en Galicia.

Así o anunciou presidente da Xunta, Alberto Núñez Feijóo, quen concretou que esta subvención dada pola Consellería do Mar suporá o 50 por cento do investimento total, que consta de máis de 10,7 millóns de euros.

Deste xeito, Feijóo celebrou que Mos vaia albergar esta iniciativa empresarial que contará con cámaras de frío que alcanzarán temperaturas de 50 graos baixo cero coas que se manterá o produto –atún do Océano Índico, concretamente– ultracongelado.

Esta, valorou o presidente da Xunta, será “a primeira nave deste tipo en Galicia e unha das primeiras en España”.