O vicepresidente da Xunta, Alfonso Rueda, puxo en valor o labor levado a cabo por esta Administración na mellora da situación da industria naval de Vigo a pesar da presentación da solicitude de liquidación do estaleiro Vulcano. Cero autocrítica ante o que supón un duro golpe para a industria viguesa.
Rueda asegura que o Executivo autonómico fixo “todo o posible” para que este sector conseguise gozar dunha “segunda vida”. Nesta liña, asegurou que a industria naval viguesa atravesou “enormes dificultades” ante as que a Xunta exerceu o seu labor dun “modo determinante”, afirmou.
A ese respecto, defendeu que foi a súa actuación a que permitiu que o sector goce de “boa saúde”, fóra de “casos concretos”, en relación á presentación da solicitude de liquidación por parte do estaleiro Vulcano, que tivo lugar este luns.
O estaleiro vigués Vulcano presenta a súa solicitude de liquidación
