40 traballadores do Porriño afectados polo ERE de Levantina y Asociados de Minerales

A multinacional do mármore e o granito Levantina e Asociados de Minerais iniciou o procedemento para un ERE que afecta a 307 traballadores no seu centro de traballo de Novelda (Alacante) e O Porriño (Pontevedra). Na localidade galega, o expediente chega a uns 40 empregados, case a metade do persoal.

Levantina y Asociados de Minerales

A multinacional do mármore e o granito Levantina y Asociados de Minerales iniciou o procedemento para un ERE que afecta a 307 traballadores no seu centro de traballo de Novelda (Alacante) e O Porriño (Pontevedra). Na localidade galega, o expediente chega a uns 40 empregados, case a metade do persoal.

Así o avanzou a área de Construción e Servizos de CC.OO., que denunciou que no ano 2017 a empresa xa levou a cabo un expediente de modificación “substancial” das condicións de traballo que acabou supondo unha redución de salarios.

Para CC.OO., a empresa “pretende aproveitar” ese cambio de condicións levado a cabo “para despedir a centos de traballadores nunhas condicións económicas máis favorables para o grupo empresarial”.

Máis do 87% dos postos de traballo afectados localízanse nas factorías e canteiras de Novelda, xa que inclúe o cesamento da actividade produtiva total da fábrica, aínda que no Porriño o expediente afectaría a máis do 45% do actual persoal.

Desde este mércores, o sindicato levará a cabo asembleas informativas nos centros de traballo afectados, co fin de informar o impacto do ERE para comezar a deseñar unha resposta.