Prohibido o paso ao antigo asilo do Barrio do Cura, onde subsisten ‘sen teito’

A aparición destes sinais coincide co inicio da tramitación do convenio con Barrio do Cura Desarrollo S.L.U. para a modificación do PXOM de 1993 e do Pepri Casco Vello. O Concello asegura que se instalaron para "evitar accidentes".

Sinais de prohibido o paso ao antigo asilo do Barrio de Cura de Vigo / Miguel Núñez.
Sinais de prohibido o paso ao antigo asilo do Barrio de Cura de Vigo / Miguel Núñez.

Dous sinais de prohibido o paso apareceron á entrada do ruinoso asilo do Barrio do Cura, onde subsisten grupos de ‘sen teito’ e okupas en situación absolutamente insalubre e inhumana.

A aparición destes sinais sorprendeu aos moradores deste lúgubre espazo, situado no balcón de Vigo, no Paseo de Alfonso. A situación ruinosa do antigo asilo, as toneladas de lixo que se acumulan e os malos cheiros xa forman parte da paisaxe desta zona de Vigo, sometida á especulación urbanística e a presión e afogamento aos veciños desde que a finais de 2003 Karpin y Asociados SL iniciou un ambicioso pero frustrado plan de derrubamento dos vellos edificios e construción de pisos de luxo na zona.

Co proxecto de remodelación do barrio revitalizado e en mans de Barrio do Cura Desarrollo SLU (sociedade creada polo grupo Gestilar), o Concello xustifica a decisión en evitar accidentes nese edificio. A aparición destes sinais apareceron precisamente coincidindo co inicio da tramitación do convenio con Barrio do Cura Desarrollo S.L.U. para a modificación do PXOM de 1993 e do Pepri Casco Vello.

Malia os sinais, os ‘sen teito’ din que se seguirán refuxiando neste espazo, a falta doutro lugar onde durmir cubertos.

1 COMENTARIO

  1. Do mesmo xeito que se pechan os espacios públicos privatizados, deberades reconsiderar a vosa política de DEMORA na publicación dos comentarios se queremos ser máis EFICACES á hora de promover a Participación Cidadá no voso proxecto xornalístico.

    Un DEMORA de máis de 24 horas nun medio dixital resulta inapropiada e mesmo conduce aos comunicantes a RENUNCIAR a participar (agás que sexa iso precisamente o que se pretenda!)

    O Barrio do Cura ten un espazo público de interese xeral como é a HORTA que deberamos RECUPERAR para disfrute da xente (contra o formigón que se aveciña!) https://youtu.be/cJYqkX7smTQ

    Gracias por existir !!!

DEIXAR UN COMENTARIO

Please enter your comment!
Please enter your name here