Sereas Bravas de Vigo e Brigantias da Coruña compiten polo primeiro posto da Liga Galega

Vigo acollerá este evento o próximo sábado, 18 de xuño.

Roller Derby/ IStock

Chega a ansiada final da Liga Galega de roller derby. Vigo acollerá este evento o próximo sábado, 18 de xuño, onde as Brigantias, que arrasaron na semifinal contra Sereas Bravas cun resultado de 169-60, loitarán polo primeiro posto no Pavillón de Candeán ás 18:30h.

Así pois, as Brigantias volverán enfrontarse nun emocionante encontro contra Sereas Bravas de Vigo. A súa vez, ás 16:30h disputaranse o terceiro e cuarto posto entre Jabatas Roller Derby de Ourense e Negra Sombra Roller Derby de Pontevedra.

A entrada é totalmente de balde. “Gañar a Liga Galega de roller derby significa máis visibilidade ao equipo, algo vital neste deporte totalmente autoxestionado. Levar o primeiro premio a casa sería un gran logro para As Brigantias tras o parón debido á Covid-19”, afirman as Brigantias nun comunicado.

DEIXAR UN COMENTARIO

Please enter your comment!
Please enter your name here