Keltoi Vigo procámase campión do Torneo All-Galicia de fútbol gaélico

O conxunto desprazarase a Valencia a próxima fin de semana para participar por primeira vez no Torneo Ibérico.

Keltoi Vigo vén de proclamarse campión do Torneo All-Galicia de fútbol gaélico, a segunda competición en importancia do deporte en Galicia.   

Na Final Four, celebrada en Ourense, o club vigués gañou ao conxunto coruñes de Fillos de Breogán na semifinal, para logo enfrentarse na final a Herdeirxs De Dhais F.G. Tratouse, explican nun comunicado, dun partido “moi intenso e cheo de emoción” que se decidiu por un só punto.

Esta copa é o segundo titulo senior acadado polo conxunto, que se desprazará a Valencia a próxima fin de semana para participar por primeira vez no Torneo Ibérico, onde espera dar a sorpresa ante os mellores equipos da península ibérica.

DEIXAR UN COMENTARIO

Please enter your comment!
Please enter your name here