Unha embarcación de Salvamento Marítimo rescatou a un windsurfista que se atopaba en apertos tras perder a súa táboa nas inmediacións da illa de Toralla, en Vigo.

Segundo informan os efectivos de emerxencias, o rescate produciuse despois das 15,30 horas deste martes, cando se recibiu o aviso de que un deportista estaba á deriva tras perder a súa táboa de windsurf a unha milla do illote vigués.

Tras recibir a alerta, Salvamento mobilizou a lancha Salvamar Mirach, que rescatou o windsurfista e trasladouno ao porto de Cangas. O home non necesitou atención sanitaria.