InicioDeportesO Celta pacta unha redución salarial con xogadores e técnicos

O Celta pacta unha redución salarial con xogadores e técnicos

"O RC Celta, tratando de actuar coa máxima coherencia e responsabilidade, dá un importante paso para afrontar coas maiores garantías posibles o suposto de que a competición de Liga non se poida renovar" di o equipo nun comunicado.

PUBLICADO O

- Advertisement -

O Celta de Vigo anunciou este xoves que alcanzou “un acordo de redución salarial” cos integrantes do corpo técnico e xogadores do primeiro equipo e do filial, o cal a entidade que preside Carlos Mouriño considera “necesario” tras o cesamento de actividade motivado pola declaración do Estado de Alarma en España para frear ao Covid-19.

“O RC Celta, tratando de actuar coa máxima coherencia e responsabilidade, dá un importante paso para afrontar coas maiores garantías posibles o suposto de que a competición de Liga non se poida renovar” destaca no seu comunicado o Celta, que tamén aplicará esta redución ao resto de empregados que superen unha cantidade económica que non quixo desvelar.

O club celeste tamén agradece aos seus principais patrocinadores -Abanca, Hijos de Rivera (Estrela Galicia e Cabreiroá) e Adidas- a súa “comprensión, disposición e compromiso” ante a actual situación. O “gran reto” do Celta nestes momentos é “axudar e achegar” a frear a epidemia, por iso puxo en marcha diferentes iniciativas encamiñadas a colaborar coa sociedade nesta “dura loita” contra o Covid-19.

ÚLTIMAS

A xuíza acorda o arquivo da causa contra o detido na rúa Mestre Montes por agredir supostamente á súa nai cun garfio

A xuíza de instrución 2 de Vigo acordou o sobresemento e arquivo das actuacións...

Detidos dous homes na rúa Cánovas del Castillo por supostos roubos con forza no interior de 15 coches estacionados

Axentes da Policía Nacional da Comisaría de Vigo detiveron a dous homes como presuntos autores de...

Detido na rúa Uruguai tras lesionar a unha viandante, á que golpeou cunha lata de cervexa, causándolle un corte na tempa

Axentes da Policía Local de Vigo detiveron a un home de 45 anos de idade, J.K.V.,...

O goberno de Vigo rexeita debater unha moción urxente sobre as festas

O grupo municipal do PSOE de Vigo rexeitou este luns debater unha moción de...