InicioCulturaIván Fernández, elixido mellor orador do I Torneo Nacional de Debate Retórica...

Iván Fernández, elixido mellor orador do I Torneo Nacional de Debate Retórica da UVigo

PUBLICADO O

O estudante de cuarto curso de dobre grao de Administración e Dirección de Empresas-Dereito da Universidade de Vigo (UVigo), Iván Fernández, foi elixido como mellor orador do I Torneo Nacional de Debate Retórica da UVigo, celebrado na cidade olívica entre o venres, 25 de novembro, e o domingo, 27 de novembro.

“Conseguir isto en casa, no primeiro torneo que organiza a nosa asociación, é un auténtico orgullo, todo un recoñecemento a todo o traballo, non só do meu equipo, senón de todos os meus compañeiros”, sinalou Fernández.

Iván Fernández xogou a final exercendo o papel de refutador dun do tres equipos cos que participou no torneo a UVigo. O grupo, que estaba conformado por Hernán Comesaña e Sara Hernández, caeu na final contra o equipo da Universidade de Santiago de Compostela, que finalmente foi proclamado mellor equipo da competición.

“Foi unha final de gran calidade, dos debates que máis gocei en toda a miña traxectoria”, explicou Fernández. “A verdade é que o equipo contrario tiña preparados moi bos argumentos e penso que a ningún dos dous equipos nos que quedou nada por dicir”, engadiu.

O Diario Oficial da UVigo (DUVI) destacou que esta foi a quinta competición na que Fernández participou. “Este foi o primeiro torneo da tempada e antes do Nadal non imos acudir a ningún máis polos exames, pero no que resta de curso hai moitos torneos por diante”, recalcou Fernández.

ÚLTIMAS

Por que foi anulado o plan de urbanización do Barrio do Cura?

O xulgado do contencioso administrativo 1 de Vigo ditou sentenza pola que declara nulo...

Os 15 pediatras que obtiveron praza por concurso de méritos na área de Vigo teñen ata o 18 de abril para incorporarse

O Diario Oficial de Galicia (DOG) publicou recentemente dúas resolucións que adxudicaron a 70...

Un milleiro de bailaríns, inscritos xa na XII edición de Vigo Porté, que traerá danza e música ás rúas da cidade a finais de...

Un milleiro de bailaríns inscribíronse xa na XII edición de Vigo Portei, desde que...

Constitúese a plataforma “Vigo verde -Salvemos a Barrorca” para rexeitar a talla da Carballeira de Casaliños en Navia

"Este mesmo domingo 17 de marzo, a plataforma "Vigo verde -Salvemos a Barrorca" organiza...