InicioVigo e contornaVigoBaiona congrega a DePedro, Zahara e León Benavente no Festival Barbeira

Baiona congrega a DePedro, Zahara e León Benavente no Festival Barbeira

A cita abrirá o 31 de agosto cunha actuación sorpresa.

PUBLICADO O

- Advertisement -

DePedro, Zahara, León Benavente ou Triángulo de Amor Bizarro serán as cabezas de cartel do festival Barbeira Season Fest, que se celebrará na localidade pontevedresa de Baiona entre os próximos 31 de agosto e 4 de setembro. Foi a delegada territorial da Xunta en Vigo, Marta Fernández-Tapias, a que presentou este mércores a cuarta edición deste evento, destacando o seu crecemento e a súa consolidación cunha “ampla oferta de calidade e para todos os públicos”.

Segundo recolle o Goberno galego nun comunicado, Fernández-Tapias reivindicou o compromiso do Executivo autonómico co festival, tanto a través do programa ‘O teu Xacobeo’, como da marca FEST Galicia.

“Desde o Goberno galego estaremos sempre á beira dos artistas e dos promotores para darlles o apoio que necesiten, especialmente tras superar momentos complicados pola pandemia”, sinalou a representante autonómica.

Esta nova edición do Festival Barbeira crecerá tanto en días como en oferta musical, contando este ano con cinco xornadas de concertos nos que están programadas as actuacións de 30 grupos e artistas.

León Benavente, Zahara, De Pedro e Triángulo de Amor Bizarro serán as cabezas de cartel do festival, que abrirá o 31 de agosto cunha actuación sorpresa que aínda non foi desvelada pola organización.

O parque da Palma de Baiona acollerá o Escenario Vibra Mahou como recinto principal para a música, mentres que a Praza do Concello albergará o Escenario Xacobeo. Ademais, tamén haberá diferentes propostas de actividades culturais e gastronómicas que se estenderán ao longo do municipio.

ÚLTIMAS

Hosteleiro libanés de Vigo expulsa un grupo de turistas israelís por mal comportamento no seu restaurante

Un hosteleiro libanés que rexenta un restaurante en Vigo expulsou a un grupo de...

Vigo anuncia que inicia os trámites para unha ordenanza sobre vivendas de uso turístico

O alcalde de Vigo, Abel Caballero, anunciou que o Concello iniciou a tramitación dunha...

OPINIÓN.- Unha cidade para quen a fixo grande

O Partido Popular de Vigo vén de propoñer que a antiga estación de autobuses...

Stellantis fai a última porposta para pagar a prima variable cun novo marco regulador

A dirección de Stellantis Vigo trasladou este xoves a sindicatos a súa última proposta...