A banda Taburete, que actuará no Festival Terraceo de Vigo o próximo 14 de maio, esgotou xa as localidades para o concerto, a pouco menos dun mes para a cita, na que tamén estará Carla Lourdes.
Do mesmo xeito que ocorrera na edición de 2021, este grupo madrileño comandado por Willy Bárcenas, colgou o cartel de ‘sold out’ días antes do evento, que ten lugar na terraza do Auditorio Mar de Vigo.
A organización do Festival advertiu de que hai outras actuacións que están a punto esgotar localidades, como as de Hens (13 de maio), Lila Downs e Sés (9 de xullo), ou o concerto de Delafé e as Flores Azuless (única actuación en Galicia, o 27 de agosto).
A terceira edición de Terraceo arrincará o 6 de maio coas actuacións de Annie B Sweet e Law; e o 7 de maio terá lugar o concerto do dúo de música electrónica Digitalism, e de Mwëslee.
Ao longo das seguintes semanas, xa se confirmaron as actuacións de Hens, Ladilla Rusa, Xisco Feijóo, A banda da Loba, Anxo Stanich, Lila Downs e Sés, Berto, Soleá Morente, Delafé e as Flores Azules, entre outros. Toda a programación, prezos e descontos pode consultarse na web do Auditorio Mar de Vigo e en www.teuticket.com.