As curtametraxes premiadas na XVIII edición do Festival de Cans proxectaranse nun autocine no Porriño este sábado a partir das 23,00 horas.
En concreto, a exhibición terá lugar no aparcadoiro do Velódromo Municipal e buscará suplir as restricións de aforamento do festival debido á normativa covid vixente, segundo detallaron os organizadores do evento.
A actividade celebrarase en colaboración co Concello e será gratuíta, aínda que o número de vehículos que poderán acceder ao recinto será limitado. Por iso, as persoas interesadas en asistir deberán inscribirse previamente na dirección de correo electrónico inscricionscultura@oporrino.org e achegar os seus datos e os do vehículo no que se desprazarán.
Deste xeito, o público poderá ver como introdución a proxección do documental ‘Cans 2020’, que abordará como levou a cabo a primeira edición celebrada durante a pandemia. Posteriormente, exhibiranse catro curtametraxes premiadas, ‘Monte Bravo’, de Noelia Muíño; ‘Homeless Home’, de Alberto Vázquez; ‘Deux options’, de Gon Caride; e ‘O son da tirotea’, de Daniel Suárez-Rubini.
Así mesmo, o Festival de Cans permitirá reproducir as 15 curtametraxes que competiron na categoría de ficción e animación mediante a súa páxina web ata a medianoite dese domingo.
