InicioCulturaO festival The Wild recupera a carreira de obstáculos

O festival The Wild recupera a carreira de obstáculos

Celebrarase o 4 e 5 de setembro no parque forestal de San Miguel de Oia.

PUBLICADO O

O festival multidisciplinar The Wild, que se celebra o 4 e 5 de setembro no parque forestal de San Miguel de Oia, en Vigo, recuperará nesta terceira edición a súa carreira de obstáculos (The Wild Race OCR), segundo confirmaron os seus organizadores, que tamén deron a coñecer o cartel do certame.

Así, o festival inclúe de novo (o ano pasado non se puido celebrar) na súa programación a carreira ‘The Wild Race, de 8 quilómetros e máis de 35 obstáculos, e que incluirá elementos adaptados doutras disciplinas, como ‘crosstraining’, ‘strogman’ ou ‘paleotraining’.

Tamén se repetirá a ‘andaina solidaria’, unha camiñada de 6 quilómetros que levará os seus participantes polos puntos máis emblemáticos do parque, como a zona de petróglifos ou miradoiros con vistas á ría e ás illas Cíes.

Este ano, The Wild destinará parte dos fondos recadados á Asociación Bicos de Papel, que acompaña e apoia a nenos con cancro do Hospital Álvaro Cunqueiro de Vigo e ás súas familias.

Por outra banda, tampouco faltarán actividades como o cinema ambiental, eventos infantís, charlas ou música, coas actuacións dos Zigarros, Familia Caamagno, Stoned at Pompeii, The Blind Crows, Susana Seivane Trío, Enxeito e Zeltia Irevire.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...