InicioCulturaCaballero: "O Marisquiño segue en Vigo tres anos e será súa cidade...

Caballero: “O Marisquiño segue en Vigo tres anos e será súa cidade forever and ever”

Di que a súa aspiración é converter a Vigo "en capital europea da cultura urbana"

PUBLICADO O

O alcalde de Vigo, Abel Caballero, ratificou este martes, tras unha reunión con representantes de Factor Ulises, empresa organizadora do festival de cultura urbana ‘O Marisquiño’, que a conversación focalizouse na intención de seguir traballando xuntos “o próximos tres anos”.

Nun audio difundido aos medios, o rexedor incide en que, tras a concesión, por parte da Unión Ciclista Internacional, da categoría C1 do circuíto internacional da Copa do Mundo de BMX Freestyle á proba de Vigo, O Marisquiño pasa a estar entre os poucos eventos internacionais con catro Copas do Mundo (skate, BMX, básquet 3×3, e break dance, que pasará a ser olímpico en 2024).

Ademais, ratificou que se vai a facer o descenso urbano porque o festival é “inimaxinable” sen esta proba, aínda que de momento programarase sen público á espera de como evolucione a pandemia.

Así as cousas, Caballero repasou novas infraestruturas previstas para a cidade e reafirmouse en que a súa aspiración é convertela “en capital europea da cultura urbana e dos deportes de acción”.

Finalmente, recalcou que esta edición de 2021 será “excepcional”, á vez que augurou que O Marisquiño de 2022 será “superlativo”. De feito, aínda que concretou a colaboración durante o próximos tres anos, concluíu que Vigo será “forever and ever”, “para sempre” ou “de forma permanente” a cidade de O Marisquiño.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...