O concerto da Orquestra Sinfónica Vigo 430 previsto para este martes na urbe olívica foi aprazado debido á evolución da pandemia da COVID-19.
Segundo lembrou a orquestra, o evento correspondente a este mes, ‘A música de cámara de Beethoven’, contaría coa participación da violinista Lir Vaginsky e enmarcábase no Ciclo de Outono, unha programación patrocinada polo Concello de Vigo para os últimos meses de 2020.
Así, sinalou que a normativa establecida permite celebrar actos con aforamentos “tremendamente reducidos” e que nos últimos meses apostou por celebrar concertos coas medidas de prevención correspondentes. No entanto, decidiu aprazar o evento deste mes ante “o preocupante das cifras da pandemia estas últimas semanas”.