InicioO MorrazoBueuBueu reivindica a figura de Johán Carballeira, represaliado polos Nacionais, cun novo...

Bueu reivindica a figura de Johán Carballeira, represaliado polos Nacionais, cun novo concurso de xornalismo e poesía

O resultado do certame foi presentado do Día da Galiza Mártir.

PUBLICADO O

84 anos fixo este 17 de agosto dos fusilamentos da Caeira, en Poio, cos que as tropas quitaron a vida a varias figuras da intelectualidade galeguista da época. Aínda que o máis soado dos mártires é Alexandre Bóveda, entre os asasinados na localidade estivo tamén Francisco José Gómez de la Cueva, máis conocido como Johán Carballeira, xornalista, político e escritor de orixe vigués que morreu a mans dos militares uns meses máis tarde, en 1937.

Para conmemorar a súa figura no Día da Galiza Mártir, o Concello de Bueu acolleu na xornada deste luns o acto de entrega dos Premios Johán Carballeira, que dende hai 24 anos prestan recoñecemento no campo da poesía e, dende hai 17, tamén no eido do xornalismo. Os premios nesta atípica edición recolleron os seus galardóns -unha placa de cerámica coa imaxe do artista, deseñada pola artista Paula Pereira, máis coñecida como Cavalinho do demo- no Centro Social do Mar.

O acto contou coa presenza de Marcos Abalde, gañador na categoría de poesía por Alcatrán, e a xornalista lucense Nieves Neira, galardoada en xornalismo coa reportaxe titulada “A fotógrafa revelada”. Na súa intervención Neira reivindicou a necesidade de recuperar as voces de tantas mulleres silenciadas, e mostrou o agradecemento a toda a familia que non deixaron morrer o legado de Maruja Roca. E nunha clara alusión á situación do xornalismo, Neira afirmou que “esta reportaxe foi creada nas horas gañadas ao tempo dunha profesión cada vez máis precarizada”.

Marcos Abalde, que mereceu o premio polo poemario Alcatrán, destacou no seu discurso a importancia do Día da Galiza Mártir, porque “esta é unha data máis importante do que poidamos imaxinar, sobre todo nun tempo no que se nos quere privar dos nosos mortos”. Unhas verbas moi reivindicativas, que se ensamblan co poemario no que dignifica o rural e as persoas que o habitan, e que verá a luz proximamente na editorial Xerais.

O cantautor guardés Tino Baz puxo o broche final con cancións baseadas en poemas de Rosalía de Castro coas que, segundo apuntou na actuación, “preténdese dar outra imaxe da nosa poeta, afastada dese carácter de chorona ao que moitos a condenaron”.

CONVOCATORIA DO ANO 2021

Por outra banda, o Concello de Bueu vén de convocar os Premios Johán Carballeira de Poesía e Xornalismo, cuxo prazo de presentación de traballos estará aberto ata o 31 de xaneiro de 2021, e que contarán cunha dotación económica de 1500 € para ambas categorías amais da publicación no caso do de poesía, tal e como vén sendo habitual, por parte da Editorial Xerais. As persoas que desexen participar poderán facelo a través de dúas formas: mediante o envío do traballo en papel ou en formato dixital, tal e como se establece nas bases publicadas na páxina web do Concello de Bueu.

ÚLTIMAS

Por que foi anulado o plan de urbanización do Barrio do Cura?

O xulgado do contencioso administrativo 1 de Vigo ditou sentenza pola que declara nulo...

Os 15 pediatras que obtiveron praza por concurso de méritos na área de Vigo teñen ata o 18 de abril para incorporarse

O Diario Oficial de Galicia (DOG) publicou recentemente dúas resolucións que adxudicaron a 70...

Un milleiro de bailaríns, inscritos xa na XII edición de Vigo Porté, que traerá danza e música ás rúas da cidade a finais de...

Un milleiro de bailaríns inscribíronse xa na XII edición de Vigo Portei, desde que...

Constitúese a plataforma “Vigo verde -Salvemos a Barrorca” para rexeitar a talla da Carballeira de Casaliños en Navia

"Este mesmo domingo 17 de marzo, a plataforma "Vigo verde -Salvemos a Barrorca" organiza...