(Vídeo) Música de pandeireta nos balcóns para aledar a corentena

O barrio da Ramallosa (Teo), encheuse de festa grazas ás coplas que lle botaron Sabela Maneiro e Olaia Tarrío.

Na tardiña deste luns, dúas das compoñentes do grupo de pandeireteiras TanxugueirasSabela Maneiro e Olaia Tarrío, decidiron agarrar as súas pandeiretas, aclarar a voz e botarlle unhas cantas coplas dende o balcón da súa casa e para o mundo enteiro. Únense así á iniciativa doutras músicas e da poboación en xeral que tamén emprega as xanelas para se expresar nestes días de confinamento para previr a expansión do coronavirus.

A veciñanza do barrio da Ramallosa (Teo), axiña se botou aos balcóns para disfrutar da música das Tanxugueiras e para agradecer este pequeno concerto que aledou a contorna por uns momentos. “Un luxo de veciñas!”, rezaba un dos vídeos que compartiron nas últimas horas en redes sociais e no que saía Sabela e Olaia interpretando unha das pezas acompañadas da pandeireta.

Ademais, con esta iniciativa remarcan a necesidade de quedar na casa e non saír á rúa agás para o estritamente necesario durante estes 14 días de corentena.

DEIXAR UN COMENTARIO

Please enter your comment!
Please enter your name here