O artista fronte ás súas obsesións

A sala Sargadelos de Vigo acolle a exposición 'Átopos. Un camino propio'.

'Átopos. Un camino propio', exposición de Alejandra Tier, Antonio Gutiérrez, Luis Pereira, Miguel Vidal e Veronica Vicente, comisariada por Alejandro Novoa, na sala Sargadelos / © Miguel Núñez.

‘Átopos. Un camino propio’ é un proxecto artístico comisariado por Alejandro Novoa no que participan tres fotógrafos e dúas creadoras: Miguel Vidal (Pontevedra, 1968), Antonio Gutiérrez (Pontevedra, 1970), Luís Pereira (Redondela, 1970), Verónica Vicente (Pontevedra, 1988) e Alejandra Tier (Vigo, 1982). A exposición que resultou deste encontro pódese visitar na sala Sargadelos de Vigo ata o 16 de maio.

O proxecto comezou sendo unha proposta de reflexión arredor da obsesión como motor de creación na obra de Antonio Gutiérrez, Luís Pereira e Miguel Vidal, fotógrafos profesionais, que á súa vez manteñen unha actividade de creación persoal. A idea rematou converténdose nun observatorio sobre o propio acto creador e os factores que o definen.

E aí entra a participación da artista visual Verónica Vicente, cunha peza ex profeso, que enlaza dunha forma moi sutil os seus traballos “figuras decorativas” e “unha estratexia da aparencia”. Unha peza audiovisual que, xunto ás creacións de Alejandra Tier, interveñen como moduladores da mirada do espectador sobre as obras dos tres fotógrafos.

En definitiva, unha proposta que enfronta os autores co proceso mesmo da creación e as súas obsesións.

DEIXAR UN COMENTARIO

Please enter your comment!
Please enter your name here