InicioCulturaMaría Solinha, a heroína de Cangas chega ás pantallas cunha historia do...

María Solinha, a heroína de Cangas chega ás pantallas cunha historia do século XXI

PUBLICADO O

MARIA SOLINHA 2.0, tal e como o propio título suxire, está baseada nunha historia real que se desenvolve na Cangas do s. XXI e comparte certos paralelismos coa lenda da heroína galega do século XVII.

A proposta cinematográfica deste novo filme de Ignacio Vilar entronca coa actual reclamación da dignidade da muller en todos os eidos da sociedade (familiar, laboral, educativo, político, xurídico…) e convida á reflexión sobre os desafíos que debe afrontar unha muller no s. XXI a través dunha orixinal historia con vocación universal.

Este proxecto do director de A esmorga, 2014 ou Sicixia, 2016 presentouse na 15ª edición do Festival de Cans. No seu desenvolvemento traballan as produtoras Vía Láctea Filmes e Vigópolis, e as súa rodaxe está prevista en diferentes localizacións da provincia de Pontevedra (Cangas, Vigo, Cíes, Bueu, etc.), para os meses de outubro e novembro de 2018.

MARIA SOLINHA conta a historia de Navia, unha moza de Cangas que soña con ser unha grande actriz. Obsesionada por dominar un revolucionario método interpretativo baseado na premisa grega “coñécete a ti mesmo”, non dubida en poñer en práctica un arriscado plan no que implica á súa profesora e amiga Montserrat. Será quen de acadar o seu obxectivo sen que o prezo social e persoal da súa ousadía lle resulte insoportable?

Esta nova cinta conta coa apoio da Deputación de Pontevedra e o Concello de Cangas.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...