Imaxe, son, movemento e palabra no MARCO

'Espazo en Espera', proposta artística no MARCO / © Miguel Núñez.

Durante catro días consecutivos, os espazos do primeiro andar do MARCO abríronse a unha experiencia escénica e participativa, a través dunha proposta dirixida por A Artística (Olga Cameselle e Alfredo Rodríguez), coa colaboración de dez artistas convidados.

‘Espazo en Espera’ foi o título dun proxecto que reuníu varias disciplinas artísticas. Nesta proposta colectiva, o obxectivo foi reflexionar sobre o propio lugar, converter as salas en lugares de acumulación de experiencias, nun “espazo en espera”, a través de distintas accións, performances e intervencións baseadas na imaxe, no son, no movemento e na palabra.

A proposta procurou a participación do público, considerando o museo como lugar de intervención cidadá e de encontro, alén da súa visión como espazo expositivo. Doce artistas de linguaxes diferentes —audiovisual, musical, plástico, téxtil, escénico, literario— ofreceron claves e acompañaron os visitantes a construír unha persoal e nova visión dese espazo.

DEIXAR UN COMENTARIO

Please enter your comment!
Please enter your name here