Máis de medio millón de asistentes nos concertos de verán en Vigo, segundo o Concello

Oevento que congregou máis público foi a actuación, o pasado 1 de agosto, do grupo Thirty Seconds to Mars.

Concerto de Leiva en Castrelos / © Miguel Núñez

Os concertos celebrados nas festas de verán en Vigo tiveron máis de medio millón de asistentes, segundo o Concello. O alcalde, Abel Caballero, cualificou como “de longo, as mellores da historia da cidade”.

O rexedor sinalou que, entre todos os concertos (incluíndo os espectáculos para público infantil), máis de 500.000 persoas pasaron polo Auditorio de Castrelos.

Así, o evento que congregou máis público foi a actuación, o pasado 1 de agosto, do grupo liderado polo polifacético Jared Leto, Thirty Seconds to Mars, do que gozaron unhas 65.000 persoas, segundo os datos trasladados por Caballero.

A actuación de Lauryn Hill reuniu a unhas 30.000 persoas no emblemático auditorio, unha cifra nada despreciable.

Ante este balance, o alcalde de Vigo mostrouse “moi satisfeito”, e subliñou tamén a “calidade musical” dos concertos. O ano que vén, avanzou, a cidade gozará dunha ducia de grandes actuacións.