Álvaro Gago: “Non podía deixar de reflectir a situación que vive a lingua en cidades como Vigo”

Álvaro Gago, director da curtametraxe premiada internacionalmente "Matria", ten novo traballo: "16 de Decembro". Nesta entrevista o vigués repasa a fondo temas como as características da súa obra, facer cinema na era tecnolóxica ou a influencia dos festivais para o prestixio dos cineastas.

Álvaro Gago / Brais Nogueira.

Cítome con Álvaro Gago nunha cafetaría do centro de Santiago de Compostela. Os dous somos de Vigo e estamos nunha cidade que na que non nacemos e a que nos conduciron os camiños da vida. Eses camiños que a Gago lle deron unha cámara e a capacidade de contar historias. De gañar no festival de Sundance cunha curta en galego e converterse sen firmar aínda ningunha longametraxe nunha das figuras máis importantes do cinema galego contemporáneo.

En cada pregunta o director tarda en contestar mentres miraba ao aire para pensar ben a súa resposta. Gago logra coas súas palabras ser difuso e concreto ao mesmo tempo se é algo que se poda facer, dar círculos e ser directo ao mesmo tempo. Algo así como o seu cinema, tremendamente inmersivo e afastado. O vigués fala do pasado, do presente e do futuro do cinema nesta entrevista completa no GC.

 

DEIXAR UN COMENTARIO

Please enter your comment!
Please enter your name here