InicioCulturaHistórico: a Reconquista de Vigo xa é Festa de Interese Turístico Nacional

Histórico: a Reconquista de Vigo xa é Festa de Interese Turístico Nacional

O Goberno central aproba a declaración

PUBLICADO O

A Reconquista de Vigo foi declarada este xoves Festa de Interese Turístico Nacional, a primeira da cidade olívica.

A ministra de Industria, Comercio e Turismo, Reyes Maroto, entregou ao alcalde de Vigo, Abel Caballero, o documento de declaración desta festa, que rememora a expulsión das tropas napoleónicas nun alzamento popular en 1809.

Caballero reivindicou o patrocinio exercido polo Concello olívico e a Deputación de Pontevedra respecto deste evento e apuntou que traballará para que a Zona Franca se some a este proxecto.

Precisamente, o pasado mes de maio a Xunta remitiu un informe favorable ao Ministerio de Industria, Comercio e Turismo para que a Reconquista de Vigo fose declarada Festa de Interese Turístico Nacional.

Galicia conta, a partir de agora, con doce festas de interese turístico nacional.

ABEL CABALLERO E FEIJÓO

O alcalde de Vigo, Abel Caballero, asegurou que o feito de que a Reconquista fose recoñecida como de Festa de Interese Turístico Nacional se debe ao “mérito” da urbe, segundo manifestou tras recoller o recoñecemento este xoves en Madrid.

Neste contexto, Caballero mostrou a “satisfacción de toda a cidade” polo feito de que se conseguiu este título honorífico, que achacou ao “traballo discreto e continuo” do Goberno central. Así, felicitou ás persoas que permiten que esta festa se celebre cada ano.

Por outra banda, mediante un comunicado, o presidente da Xunta, Alberto Núñez Feijóo, afirmou que este recoñecemento é un motivo de “orgullo” para a cidade e Galicia. Tamén defendeu o “apoio” mostrado polo Executivo galego a través do asesoramento prestado aos organizadores de cara á consecución desta distinción.

Neste sentido, avanzou que, a través de senllos convenios de colaboración que o Goberno galego firma coas festas desta categoría cada ano, a Xunta consignará para esta celebración, polo menos, 25.000 euros. A este importe poderán sumarse outros 10.000 euros “opcionais” para organizadores que os soliciten.

Noutra orde de cousas, a Asociación Veciñal e Cultural Casco Velo agradeceu a implicación da Xunta, a Deputación de Pontevedra e o Concello de Vigo, que permitiron a obtención deste recoñecemento para a Reconquista, así como o traballo “desinteresado” das persoas que permitiron o seu desenvolvemento.

ÚLTIMAS

Por que foi anulado o plan de urbanización do Barrio do Cura?

O xulgado do contencioso administrativo 1 de Vigo ditou sentenza pola que declara nulo...

Os 15 pediatras que obtiveron praza por concurso de méritos na área de Vigo teñen ata o 18 de abril para incorporarse

O Diario Oficial de Galicia (DOG) publicou recentemente dúas resolucións que adxudicaron a 70...

Un milleiro de bailaríns, inscritos xa na XII edición de Vigo Porté, que traerá danza e música ás rúas da cidade a finais de...

Un milleiro de bailaríns inscribíronse xa na XII edición de Vigo Portei, desde que...

Constitúese a plataforma “Vigo verde -Salvemos a Barrorca” para rexeitar a talla da Carballeira de Casaliños en Navia

"Este mesmo domingo 17 de marzo, a plataforma "Vigo verde -Salvemos a Barrorca" organiza...