Tributo do Primavera do Cine de Vigo a Manolo González, impulsor do audiovisual galego

Homenaxe no Primavera do Cine a Manolo Gonzalez, mentor dos cineastas galego / Miguel Núñez

Manolo González xa ten o seu merecido recoñecemento. O produtor, guionista e investigador recibiu a mención honorífica do Festival Primavera do Cine de Vigo, que lle entregou a cineasta viguesa Xisela Franco na xornada inaugural da oitava edición do certame.

“O agradecemento é a memoria do corazón, que é o que nos fai poñer as cousas no seu sitio pasado certo tempo e é onde te dás conta de que sen todas esas persoas e sen ese conxunto de compañeiros de viaxe ti non fixeses absolutamente nada”, afirmou ao recibir o recoñecemento, nun acto no que se proxectou un vídeo cos agradecementos a González por parte de diversos persoeiros do cinema galego por impulsar o audiovisual galego, incluídos o cineasta e escritor Alberte Pagán, a teórica e xornalista Margarita Ledo, ou Beli Martínez, produtora do Novo Cinema Galego.

Tras a entrega do premio, proxectouse “No intenso agora”, documental de João Moreira Sáelles.

DEIXAR UN COMENTARIO

Please enter your comment!
Please enter your name here