Inauguradas as novas instalacións da escola de deseño Aula D

Inauguración das novas instalacións da escola de deseño Aula D / Miguel Núñez.
Inauguración das novas instalacións da escola de deseño Aula D / Miguel Núñez.

Cunha traxectoria de máis de 30 anos impartindo clases de deseño, a escola Aula D comeza unha nova etapa co traslado das súas instalacións ó emblemático edificio Asefal, na rúa Elduayen.

Dende os seus inicios no estudo do deseñador Pedro Román e a directora de arte Marta Villar, e coa incorporación posterior do tamén deseñador Manuel Barreiro Chao, a escola foi sufrindo diferentes transformacións para dar cabida ó alumnado que nestes anos pasou polas súas aulas –máis de 1.000 alumnos– para formarse como profesionais nos ciclos formativos de grao superior de Deseño Gráfico e Deseño de Interiores.

Segundo o seu director, Xerardo Pérez Medrano, “con este traslado a escola continúa a súa labor formativa, aportando ademáis un novo espazo aberto que contribúa a dinamizar á actividade cultural que se desenvolve no Casco Vello”.

Este venres tivo lugar o acto de inauguración das novas instalacións, contando coa presenza do alcalde, Abel Caballero, así como de diferentes representantes doutras institucións, empresas e persoeiros da cidade.

1 COMENTARIO

  1. Outro anuncio gratuíto para Abel Caballero…. ¿este home está en todas partes?

    Cando queiramos darnos conta NINGUÉN vai poder abrir a boca sen o permiso do Patrón Local !!!

DEIXAR UN COMENTARIO

Please enter your comment!
Please enter your name here