InicioMedio Ambiente e PatrimonioSanidade esixe sinalar a praia de Cordeiro como non apta para o...

Sanidade esixe sinalar a praia de Cordeiro como non apta para o baño por verteduras de augas residuais

PUBLICADO O

A Xefatura Territorial da Consellaría de Sanidade vén de deixar constancia por escrito, en relación a praia de Cordeiro no río Tea,e segundo un informe da Confederacion Hidrográfica Miño-Sil, da existencia de verteduras de augas residuais a 350m augas arriba da zona de baño.

Isto pode supoñer un perigo obxectivo para os bañistas, polo que engaden que “o Concello de Salvaterra de Miño deberá sinalizar a zona como non apta para o baño, mentres non realicen as xestións oportunas para que os vertidos dos núcleos situados augas arriba incorporen sistemas de desinfección aos tratamentos de depuración das súas augas residuais”.

Esta información fixo saltar a alarma na asociación Lazoiro cando os veciños da zona do
Cordeiro lles confirman a esta asociación que o concello de Salvaterra, na zona intermedia
entre a praia fluvial do Cordeiro e o lugar dos vertidos, está collendo auga do río para o abastecemento por medio dun bombeo que a envía ao depósito do monte do Castelo do que se abastece o municipio.

A asociación Lazoiro acaba de dirixirse ao Concello de Salvaterra, Consellaría de Sanidade e
Confederación Hidrográfica Miño Sil para que se garanta a salubridade da auga de consumo no concello de Salvaterra e se procedan a efectuar as obras necesarias para rematar cos vertidos de augas residuais ao río Tea na zona do Cordeiro.

Tamén lle piden ao concello de Salvaterra, tal como indica a consellaría de Sanidade, que se proceda a sinalizar a zona de baño do Cordeiro como zona non apta para o baño mentres continúen os vertidos.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...