Esixen a dimisión dun concelleiro do PP de Ponteareas por compartir un vídeo “fascista” en Facebook

Desde o PSOE de Ponteareas consideran que son "accións impropias dun representante político e da democracia".

Captura de pantalla/ PSOE Ponteareas

A Secretaria Xeral do Partido Socialista de Ponteareas, Chus Garrote, acusa de xenofobia a un concelleiro do Partido Popular, Domingos Freitas, e esixe a súa dimisión inmediata por compartir nas súas redes sociais “contidos xenófobos e de odio”.

O Partido Socialista considera que son “accións son impropias dun representante político e da democracia”: “Non toleramos que un representante dos ponteareáns simpatice con ideas fascistas e por iso pedimos a súa dimisión inmediata” sinala Chus Garrote.

A edil socialista, ademais, di non entender como o Partido Popular e a súa voceira, Belén Villar, non levan tomado medidas “ante unhas accións reprobables por calquera partido que se considere democrático”.

Captura de pantalla/ PSOE Ponteareas

A líder socialista, Chus Garrote, refírese a un vídeo que o concelleiro do PP compartía no seu perfil persoal de Facebook “do coñecido grupo neonazi, Hogar Social, e da súa lider, Melissa Domínguez, que xa foi detida en numerosas ocasicións por incitación ao odio”.

Por outro lado, os socialistas declaran que non se trata dun caso illado xa que nas últimas semanas, sinalan, o concelleiro do PP “tamén compartía bulos con contido xenófobo tralo rescate dos máis de 600 refuxiados do barco Aquarius”.

Desde o Partido Socialista, engaden, levan invitado ao concelleiro Mingos Freitas a cesar desa actitude e convídano “por saúde democrática, a retractarse nesas mesmas redes sociais do seu comportamento”.

O grupo nazi Hogar Social tamén estivo nas Neves logo da vaga de lumes do pasado outubro para repartir “axuda humanitaria”. Unha visita que provocou numerosas reacións en contra.

1 COMENTARIO

  1. De Ponteareas temos un alcalde en Vigo que leva máis dun ano sen recibir aos pobres que acampan baixo a súa ventana! Acaso a aporofobia que mostra este alcalde non merece siquera un tirón de orellas !

    Non deberamos esquecer que se os grupos Neonazis proliferan o fan grazas a mala xestión da pobreza que algúns chamados socialistas están levando adiante durante os ultimos dez anos de crise económica!

    A aporofobia sempre será unha MALA POLÍTICA SOCIAL !

    Por non falar da Cruz do Castro que grazas ao vergoñento recurso contra a sentenza do seu derribo temos que seguir TRAGANDO coma se non fora unha Cruz dos Caídos por Dios y por España!

    A mellor política contra os nazis sería ELIMINAR a súa simboloxía sen demora !!!
    https://flic.kr/p/27eYtpj

DEIXAR UN COMENTARIO

Please enter your comment!
Please enter your name here