Ponteareas acollerá o vindeiro día 4 de xullo as xornadas informativas da Unión Europea, converténdose nunha das tres vilas que as institucións da Unión Europea elexiron para impartir o ciclo de diálogos coa mocidade “Cafés con Europa”.
O obxectivo é informar á mocidade sobre as posibilidades que teñen de percorrer o continente e aproveitar todas as oportunidades que lles ofrecen:viaxes en Interraíl, nos que cada ano participan máis de 15.000 mozos europeos; Erasmus (non só para universitarios), becas deportivas…
No encontro, que se celebrará o vindeiro 4 de xullo ás 17:00 nos xardíns da Xiralda, detrás do concello, a Unión Europea e o Concello de Ponteareas convidarán á mocidade a un “café” e arredor del poderán formular as preguntas e as inquedanzas que precisen resolver. A inscrición debe formalizarse nesta seguinte ligazón web.
A iniciativa completarase cun debate sobre o futuro europeo que se celebrará no salón de plenos ás 20:30 horas aberto a toda a cidadanía e colectivos veciñais, sociais, culturais, medioambientais, empresariais e comerciais, trala inscripción correspondente.
O Alcalde de Ponteareas, Xosé Represas, adianta que é “unha boa oportunidade para coñecer todos os apoios que se nos ofrecen”, e amosa a súa satisfacción pola decisión de Europa de recalar en Ponteareas.
