O PP de Ponteareas denuncia a privatización de servizos públicos por parte bipartito

“Recorren á contratación de empresas 'amigas' para suplir ausencias de persoal municipal causadas por diferentes motivos non saben xestionar sen malgastar”, asegurou o PP nun comunicado.

Avenida Castelao de Ponteareas
Avenida Castelao de Ponteareas / Google Maps.
O grupo municipal do Partido Popular de Ponteareas denunciou este martes a privatización por parte do goberno bipartito BNG-PSOE do servizo municipal de cociña da Residencia de Maiores Santa Ana. Segundo o PP este tipo de xestión privada está a converterse nunha práctica habitual.
“Recorren á contratación de empresas ‘amigas’ para suplir ausencias de persoal municipal causadas por diferentes motivos (baixas, vacacións, etc), non saben xestionar sen malgastar”, asegurou o PP nun comunicado.
Desde 2015, aseguran os populares, o Goberno local que preside Xosé Represas privatizou os servizos de iluminación, gardería, asesoría xurídica, asesoría laboral, limpeza de colexios, comunicación e informática. “Represas hai cinco anos solicitaba a municipalización de todos os servizos privados e agora que é alcalde fai o contrario.
As novas privatizacións supoñen un custo para as arcas municipais de máis dun millón de euros. É curioso que un rexedor que presume de fomentar o emprego público contrate a empresas privadas ‘amigas’ para substituír o traballo que ata o de agora viñan desempeñando os nosos traballadores municipais”, criticaron os populares.
O Grupo Popular lembra que o goberno bipartito ha subido os salarios un 60% mentres continúa debendo á maioría dos empregados municipais entre 400 e 500 euros da paga extraordinaria de xullo, e que agora aumentan “a súa rede clientelar en torno ao Concello contratando a máis empresas privadas afíns”.
ç

DEIXAR UN COMENTARIO

Please enter your comment!
Please enter your name here