Alumnos de todo Ponteareas non asisten a clase en contra do “boicot” á escola rural de San Mateo

San Mateo, escola no rural/ Concello de Ponteareas

O goberno de Ponteareas amosou publicamente o seu apoio a manifestación convocada este venres pola FANPO en defensa da permanencia da escola unitaria de San Mateo e do ensino público no rural.

A manifestación, encabezada polas nais e pais de San Mateo, conta co apoio de toda a
comunidade educativa e de todos os colectivos sociais, culturais e comunidades de montes,
así como da Fundación Zúñiga e da veciñanza en xeral, que entenden que non se pode retirar das parroquias o servizo básico do dereito ao ensino e así o reiteraron hoxe cuna xornada de “folga”, respaldando a reivindicación coa falta de asistencia aos colexios.

A concelleira de Ensino, Cristina Fernández, esixe á Xunta de Galicia e ao seu presidente
Alberto Núñez Feijoo que cumpran os compromisos trasladados ás nais e pais de San Mateo, que conseguiron a cantidade de matrículas que se lles pediran nos distintos despachos para manter a súa escola aberta.

O goberno de Ponteareas insiste en que non se produxo ningún malentendido e que en todo momento dende os distintos departamentos da Consellería cos que se reuniron lles
trasladaron que se a día de comezo do curso había o número de matrícula requerido a escola seguiría ofrecendo o seu servizo de educación infantil.

O Alcalde de Ponteareas reitera o seu apoio á permanencia da escola unitaria de San Mateo e porá todas as ferramentas e medidas precisas para garantir un servizo de calidade como o que xa se estaba ofertando, ou mesmo implementando novos servizos que a fagan máis atractiva para as familias en favor da conciliación laboral e familiar.

DEIXAR UN COMENTARIO

Please enter your comment!
Please enter your name here