VOX na provincia de Pontevedra: movementos residuais indistinguibles da parodia

Unha suposta mensaxe de Vox Puenteareas falaba do galego como 'dialecto obsoleto', e 'mezcla de español y portugués que se habla solo en las aldeas, normalmente por agricultores y ganaderos que no han tenido la oportunidad de estudiar ni de viajar'. 

Vox Mondariz, Facebook

Nestes tempos, diferenciar a realidade da ficción semella complicado. Así, nestes días está a difundirse por redes unha mensaxe teoricamente falsa da suposta delegación ‘VOX Puenteareas’, xa que este partido só ten delegación en Ourense e na Coruña en terras galegas.

Máis aló dos 12 escanos acadados para sorpresa de todos e eles mesmos nas eleccións de Andalucía, na nosa terra os seguidores de Abascal son, polo de agora, máis que minoritarios.

A devandita mensaxe falaba do galego como ‘dialecto obsoleto’, ‘mezcla de español y pprtugués que se habla solo en las aldeas, normalmente por agricultores y ganaderos que no han tenido la oportunidad de estudiar ni de viajar’. Durante horas ‘incendiou’ as redes, como pode agardarse.

É difícil determinar que teñen de real ou falso mensaxes como estas, aínda que dende logo moitos dos lectores de páxinas de Facebook como ‘Vox Puenteareas’ ou ‘Vox Mondariz Pueblo’, que din estar ‘hermanadas’, parecen tomalas en serio.

 

Suposta mensaxe de Vox Puenteareas

Con todo, desde Vox España tiveron que saír a desmentir estas mensaxes e denunciaron a utilización do seu logotipo e da súa imaxe nunha web falsa de Facebook e Twitter. De feito, anunciaron que ían denunciar esa situación. Desde entón, o administrador desa web cambiou o nome de Vox polo de Box.

Humor de Vox/ Vox Ourense, Facebook”

 

 

DEIXAR UN COMENTARIO

Please enter your comment!
Please enter your name here