InicioSucesosAcusan a un home de Mondariz de roubar ao seu veciño para...

Acusan a un home de Mondariz de roubar ao seu veciño para lucrarse no mercado de segunda man

O suposto autor é acusado de roubar un DVD, unha televisión ou unha bicicleta estática, entre outros moitos obxectos, que despois vendía en Vigo.

PUBLICADO O

A Garda Civil detivo a un veciño de Mondariz, de 41 anos, como suposto autor de dous roubos cometidos o pasado mes de outubro nun domicilio do mesmo municipio.

Segundo as investigacións levadas a cabo por efectivos do Posto Principal da Garda Civil de Ponteareas, acúsaselle da comisión de dous roubos cometidos o pasado mes de outubro na escasa marxe de tempo dunha semana, no interior dunha vivenda de Mondariz que se atopaba próxima ao seu domicilio.

As pescudas concluíron cando a Garda Civil, por mor das xestións realizadas, recupera unha impresora, un xogo de plumas e dous sacos de durmir nun establecemento de compra venda de obxectos de segunda man en Vigo.

En este mesmo establecemento comercial estaban rexistrados outros obxectos, que tamén figuraban como subtraídos, pero que non puideron ser recuperados porque xa foran vendidos a terceiras persoas.

Unha vez identificado e localizado, o presunto autor dos dous roubos fixo entrega voluntaria doutro lote de obxectos roubados que aínda tiña no seu poder, entre eles estaban un DVD e unha bicicleta eléctrica.

O resto dos obxectos que faltaban por recuperar foron localizados noutros dous establecementos comerciais de Vigo, figurando un trípode, un lector externo de DVD e un televisor.

As dilixencias instruídas foron entregadas no Xulgado de Instrución de garda de Ponteareas, onde deberá comparecer este veciño, cando sexa requirido, en calidade de investigado como presunto autor de dous delitos de roubo con forza nas cousas.

ÚLTIMAS

Por que foi anulado o plan de urbanización do Barrio do Cura?

O xulgado do contencioso administrativo 1 de Vigo ditou sentenza pola que declara nulo...

Os 15 pediatras que obtiveron praza por concurso de méritos na área de Vigo teñen ata o 18 de abril para incorporarse

O Diario Oficial de Galicia (DOG) publicou recentemente dúas resolucións que adxudicaron a 70...

Un milleiro de bailaríns, inscritos xa na XII edición de Vigo Porté, que traerá danza e música ás rúas da cidade a finais de...

Un milleiro de bailaríns inscribíronse xa na XII edición de Vigo Portei, desde que...

Constitúese a plataforma “Vigo verde -Salvemos a Barrorca” para rexeitar a talla da Carballeira de Casaliños en Navia

"Este mesmo domingo 17 de marzo, a plataforma "Vigo verde -Salvemos a Barrorca" organiza...