Piden á Xunta que aclare os intereses do Santander na política de rexeneración do monte

Efecto dos incendios de outubro 2017 nos montes de Coruxo / Miguel Núñez

“O incendio do pasado domingo no Concello de Mondariz debe ser máis que unha chamada de atención”, apuntan desde o PSOE de Ponteareas, e engaden que é “unha clara demostración da nula política da Xunta de Galicia en materia de prevención de incendios e de reforestación en zonas tan afectadas polos incendios do 2017 como a comarca do Condado”.

Os socialistas tamén alertan de que “a financiación privada non debe ser a solución á ausencia dunha política de prevención de lumes por parte da Xunta, senón máis ben un engadido ás políticas públicas en materia de prevención e rexeneración do monte.

O PSOE ponteareán piden á Xunta que aclare a que se debe “que unha entidade bancaria como o Banco Santander se involucre directamente na política de rexeneración do monte. Asimesmo, os socialistas consideran que debe ser a Xunta quen aclare se é un mero donativo ou se hai outros intereses”.

Segunda xornada da enorme vaga de lumes que arrasou Galicia en pleno mes de outubro / Miguel Núñez.

O PSOE de Ponteareas insta tamaén á Xunta de Galicia a por en marcha un plan integral para a reforestación de todo o monte queimado en Ponteareas durante os incendios de outubro do 2017, sempre pondo o valor medioambiental e económico do monte ponteareán.

“Desde o PSOE de Ponteareas instamos á Xunta de Galicia a levar a cabo accións de prevención de maneira inmediata en Ponteareas” sinala Chus Garrote, portavoz do partido.

DEIXAR UN COMENTARIO

Please enter your comment!
Please enter your name here