InicioEconomíaO Balneario de Mondariz reuniu unha trintena de empresarias co lema "a...

O Balneario de Mondariz reuniu unha trintena de empresarias co lema “a necesidade de reiventarse”

PUBLICADO O

O Balneario de Mondariz acolleu o I Encontro Empresarial de Empresarias de Galicia, coa colaboración do GDR Condado Paradanta, que trata de dinamizar social e economicamente a comarca, apoiando neste caso ao emprendemento feminino.

Un xantar ao que asistiron máis dunha trintena de empresarias e no que se falou dos novos retos nas mulleres, a partir do relatorio “ Reinventarse profesional e persoalmente. Unha aposta de futuro”, da directora de Comunicación do Balneario de Mondariz.

Ela mesma amosou un paralelismo na súa reinvención profesional desde a prensa diaria ata o seu traballo nas direccións de comunicación de empresas como Gene-Cabaleiro D’Aquino, Mundo Noivas, Carolina Herrera, Pili Carreira, Talaso Atlántico e o Balneario de Mondariz, onde traballa desde 2004; e o desenvolvemento desta empresa de éxito na vila termal galega.

Coa idea de que os postos de responsabilidade nas empresas necesitan paixón e traballo en equipo, deuse a coñecer o proxecto humano que o presidente de Balneario de Mondariz, Javier Solano, leva desenvolvendo desde 1994 cando iniciou a recuperación do complexo nun momento no que o termalismo se tachaba de “obsoleto”.

Un xantar “networking” no que estivo presente a vicepresidenta de Mulleres Empresarias, Mar Ferrero, e o director xeral do Balneario de Mondariz, Kiko Rial, que se uniu á xornada de traballo con empresarias de diferentes sectores da economía do sur de Galicia.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...