InicioMedio Ambiente e PatrimonioA veciñanza de Taboexa, nas Neves, celebra "xornadas de deseucaliptización" para botalos...

A veciñanza de Taboexa, nas Neves, celebra “xornadas de deseucaliptización” para botalos do monte

PUBLICADO O

En Taboexa, concello das Neves, as comuneiras e comuneiros decidiron facerlle fronte a “expansión incontrolada” dos eucaliptos con “xornadas de deseucaliptización” e tamén retirando os poucos pés que existían na comunidade e estaban ainda verdes, sen queimar.

O día 15 do mes pasado unhas decenas de persoas conseguiron deixar “libre de eucaliptos” case 14 hectáreas de monte comunal, zonas escollidas por estar moi próximas a lindes cos terreos particulares e zonas con especial interese como a dos petróglifos da Coutada.

O vindeiro sábado 27 de outubro dende as 9 da mañá e ata mediodía continuarán co proceso para eliminar a proliferación de eucaliptos no Castro de Altamira, o Mouro, as Pozas do Monte e se poden aínda en máis lugares, priorizando sempre os terreos máis próximos a poboación e a elementos a conservar como os arqueolóxicos ou os nacentes de auga.

Oscar González, Presidente da Comunidade de Montes de Taboexa, explica que “esta comunidade nunca foi produtora desta especie pero dende o lume de 2017 aínda menos”.

Cartaz da iniciativa/ Comunidade de montes de Taboexa

“A experiencia nos di que, a pesar de que aquel foi un día de moito vento, foi o eucalipto quen trouxo o lume de Portugal, se só houbera o vento e non participara o eucalipto no incendio seríamos capaces de paralo”, asegura.

“En segundos ou minutos o lume prendía a 500 metros de distancia grazas a faíscas desta árbore. A favor da especie so podo dicir que é boa para o mel. Economicamente hai outras especies e usos do monte máis rendibles como o castiñeiro”, defende.

Engade ademais como o eucalipto “desertiza a terra, cambia as propiedades das augas, as raíces rompen e atrancan tubos… Explicábao na primeira xornada, non só queremos limpar o noso monte comunal, tentamos concienciar as demais persoas particulares ou colectivas de que para non sufrir lumes como aqueles, ou peores, o xeito é coidando, valorando, querendo o noso monte, non abandonando”.

ÚLTIMAS

Por que foi anulado o plan de urbanización do Barrio do Cura?

O xulgado do contencioso administrativo 1 de Vigo ditou sentenza pola que declara nulo...

O bus urbano alcanzan unha operatividade do 98 % en días laborables tras o fin da folga, segundo Vitrasa

O servizo de bus urbano de Vigo recupera a normalidade tras máis de 3 meses...

Retencións de varios quilómetros na AP-9 ao seu paso por Vigo tras producirse un accidente e unha picada de roda

Un accidente entre un camión e un coche e unha picada de roda doutro...

A Policía Nacional alerta de posibles estafas ao contratar un servizo de desinfección do fogar con ozono

A Policía Nacional informou este martes de medidas preventivas para evitar posibles estafas consistentes...