InicioMedio Ambiente e PatrimonioUn positivo por COVID obriga a illar 49 traballadores contra incendios na...

Un positivo por COVID obriga a illar 49 traballadores contra incendios na Cañiza

Medio Rural defende que a área correspondente está "plenamente cuberta" co persoal e medios deste distrito e doutros próximos.

PUBLICADO O

Un total de 49 persoas –sete brigadas, seis condutores de motobomba e dous axentes ambientais– están confinadas tras a súa identificación como contactos estreitos dun traballador do servizo de defensa contra incendios forestais do distrito XVII (O Condado-Paradanta), que traballa na zona da Cañiza (Pontevedra), e que deu positivo por COVID-19.

Fontes da Consellería de Medio Rural confirmaron a Europa Press que a medida de illar a estes 49 traballadores –todo o persoal que tivo “contacto estreito” co contaxiado– adóptase “de forma preventiva” e de acordo cos protocolos sanitarios establecidos.

Todos os traballadores están a ser sometidos ás probas para detectar se sufriron un posible contaxio e, das realizadas, 27 deron un resultado negativo.

O departamento que dirixe José González explicou que leste mesmo mércores procederase, por parte dunha empresa especializada, á desinfección bactericida e virucida do punto de encontro da Cañiza onde se localizou o positivo.

Está previsto que este punto quede de novo operativo a partir do xoves e o seu persoal se vaia incorporando paulatinamente, “cumprindo os protocolos médicos”. Segundo indica Medio Rural, a desinfección deste mércores realízase a maiores das que, de acordo cos protocolos, realízanse cada día tras o uso das instalacións.

ÁREA “PLENAMENTE CUBERTA”

Dito isto, Medio Rural defende que a área correspondente está “plenamente cuberta” co persoal e medios deste distrito e doutros próximos.

Tamén lembrou que todos os profesionais do Servizo de Prevención e Defensa contra Incendios Forestais foron sometidos hai uns días a probas PCR, con resultado negativo de todos eles; e esgrimiu que ten uns protocolos “rigorosos” para evitar contagios.

CSIF PIDE REDUCIR OS CONTACTOS ENTRE PERSOAL

En relación a este caso, CSIF difundiu un comunicado no que alertan de que, pese ao tempo chuvioso da pasada semana e de forma “innecesaria”, Medio Rural mantivo ao persoal do servizo contra incendios “nos vehículos e nas bases, incrementando o risco de contacto e favorecendo a posibilidade de transmisión” da COVID-19.

Neste contexto, ademais de lembrar que xa advertiu á Consellería do “risco de volver ao traballo presencial sen protocolos suficientes”, CSIF demanda reducir os contactos entre o persoal nos puntos de encontro e nos vehículos, e establecer de novo a dispoñibilidade telefónica.

Medio Rural non pode pechar os ollos ante esta situación. Non tomar medidas para reducir os contactos entre o persoal, diminuíndo a posibilidade de contagios, pon en risco a saúde do persoal e a operatividade do servizo de prevención de incendios”, advirte.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...