InicioDeportesA ponteareá Melania Rodríguez faise co bronce no Campionato do Mundo de...

A ponteareá Melania Rodríguez faise co bronce no Campionato do Mundo de Trampolín

Con este resultado reforza as súas posibilidades de participar nos Xogos Olímpicos de París do 2024.

PUBLICADO O

A ponteareá Melania Rodríguez continúa a escribir a súa historia no mundo da ximnasia. A deportista, de tan só 20 anos, acaba de participar en dúas finais do Campionato do Mundo de ximnasia de trampolín que se celebrou en Bakú (Acerbaixán), logrando o bronce na especialidade de dobre minitramp.


A deportista obtivo a terceira mellor puntuación, 69.600 puntos, por detrás da sueca Lina Sjoeberg (70.900), que logrou o seu terceiro mundial consecutivo, e a estadounidense Shelby Nobuhara (70.000). Un resultado que reforza as súas posibilidades para participar nos Xogos Olímpicos de París do 2024. “Con estes resultados Melania únese a longa lista de deportistas de éxito estatal cos que conta Ponteareas”, destaca o concelleiro de Deportes Miguel Bouzó.

Con só 20 anos, ademais destas dúas finais, Melania Rodríguez ten no seu
palmarés, entre moitos éxitos, un podio no Campionato do Mundo de ximnasia no 2018 e dous títulos europeos júnior consecutivos. Unha carreira chea de éxitos, malia as lesións. No ano 2019 sufriu unha fractura no metatarsiano, e despois un accidente de tráfico que lle impediu participar en tres das copas do mundo que se celebraron, fundamentais para clasificarse para os Xogos Olímpicos de Tokio.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...