Un ciclista resultou ferido ao ser alcanzado por un camión cando circulaba pola estrada que une as localidades de Guillarei e Rañada, no termo municipal pontevedrés de Salvaterra de Miño.
Segundo informou o CIAE 112 Galicia, o suceso tivo lugar sobre as 14,30 horas e, tras o impacto, o vehículo de transporte de mercadorías continuou a marcha.
Tras recibir a alerta por parte dos servizos de urxencias sanitarias, o persoal do 112 informou á Garda Civil de Tráfico e á Policía local. Ademais, deuse aviso aos Bombeiros do Porriño e aos efectivos do GES-SPEIS Ponteareas por se fose necesaria a súa intervención.